Botox - mania vazhdon të përhapet midis yjeve të spektaklit pavarësisht modës së re që preferon ndërhyrje më pak invazive dhe më natyrale për të parandaluar shenjat e plakjes . E fundit është Renée Zellweger, fotografuar në një eveniment me fytyrën e tërhequr, nuk ka marrë me siguri komplimentet e shpresuara. Një nga shumë rastet - e përfunduar keq - e një dukuri e pandalshme që përfshin botën e Hollivudit.
Ka nga ato që për fat të mirë pranojnë që kanë bërë ndërhyrje, si Cher apo Nicole Kidman dhe nga ato të cilat, mohojnë edhe provat më të qarta. Si Meg Ryan, e cila u bë e famshme për pamjen e saj ujë dhe sapun dhe për atë fytyrë "naive", pas dobësimit kockë e lëkurë fryu mollëzat në mënyrë të ekzagjeruar. Buzëqeshja e tërhequr, të bën të qash për faqet natyrale të një herë e një kohe.
Ç’mund të thuash pastaj për fytyrën si “mace” të ish zonjës së parë të Francës? Carla Bruni, ikona e modës e viteve '90, me Botox-in u transformua krejtësisht! Gwyneth Paltrow, me dietat e ekzagjeruara – të famshëm librat e saj të kuzhinës - dhe vizitat tek kirurgu plastik, ka humbur shkëlqimin e saj anglez për tu dukur më shumë "amerikane". Dihet që, puna nuk i fal ata që nuk mbajnë ritmin e kohës!
Ka dhe nga ato që sigurisht nuk duan ti dorëzohen viteve që kalojnë dhe këtu ndërhyrja bëhet edhe më e ekzagjeruar. E dinë shumë mirë Melanie Griffith dhe Courtney Love, të frikësuara nga plakja. Mes mollëzave, buzëve, faqeve dhe "rregullimeve" ad hoc , fytyrat e tyre nuk njihen më. Dhe jo gjithmonë për të mirë...
Tori Spelling, ish- ylli i "Beverly Hills 90210" u përpoq të rregullonte problemet e saj të zemrës së bashku me ato të peshës. Kështu që, pasi u shëndosh dhe dobësua disa herë, i dha një "gjilpërë" përfundimtare fytyrës, duke shpresuar ti kthente shkëlqimin e dikurshëm. Rezultati, nuk ishte pikërisht ai i dëshiruari.
