
Justin Bieber surprizoi fansat në ndarjen e çmimeve Grammy 2026, duke zbuluar një tatuazh të ri në shpinë: portretin e bashkëshortes së tij, Hailey Bieber.
Fansat janë të bindur se tatuazhi është frymëzuar nga kopertina e Hailey-t për revistën ELLE në vitin 2020. Justin e shfaqi tatuazhin gjatë performancës së këngës “YUKON”, teksa doli në skenë pa bluzë, në një interpretim tepër emocional.


Momenti ishte aq i shpejtë sa mund ta humbisje me një pulitje sysh; për pjesën më të madhe të performancës, Justin ishte përballë publikut, por në një çast u kthye dhe… ja ku ishte tatuazhi.

Edhe pse pamjet janë pak të paqarta, duket që tatuazhi është fytyra e Hailey-t.
Së fundmi, Justin dhe Hailey kanë zgjedhur të jenë më privatë se kurrë. Hailey e shpjegoi këtë në një intervistë për GQ, ku tha:
“Po e marrim gjithçka dalëngadalë. Të dy ndihemi shumë mbrojtës ndaj djalit tonë dhe mendoj se kjo nuk do të ndryshojë kurrë. Jeta jonë është shumë publike, ndaj thjesht po zgjedhim me kujdes çfarë të ndajmë dhe çfarë jo. Për momentin, ndihem shumë rehat me mënyrën si po i bëjmë gjërat.”



