Pantallonat apo xhinset me një bluzë të bardhë janë ndoshta një nga kombinimet më të dashura dhe të përjetshme në botën e modës. Është një veshje e lehtë për t’u krijuar, e pastër dhe elegante. Por, siç dihet, ndonjëherë është edhe pak bazike apo e mërzitshme. Zgjidhja? Aksesorët e duhur që i japin jetë çdo pamjeje klasike.
Një nga tendencat më të përfolura të momentit janë shallët prej mëndafshi, të cilët mund të vishen në mënyrën klasike rreth qafës, ose si rrip në bel, një detaj i papritur që po kthehet në trend dhe po shihet gjithnjë e më shumë te vajzat me stil, përfshirë edhe Alexa Chung.
E fotografuar kohët e fundit në Londër, Chung kishte zgjedhur një veshje minimaliste: një bluzë të bardhë dhe pantallona të thjeshta, por ajo që e bëri të veçantë këtë pamje ishte një shall mëndafshi Gucci, i palosur bukur dhe i lidhur në bel si rrip. Kombinimi ishte një mjaft "cool", ndaj është e pamundur të mos të tundohemi për të provuar këtë stil.
Pra, nëse dëshiron të shtosh një dozë eleganca në një veshje të përditshme, shiko për një shall mëndafshi dhe ktheje në rripin e preferuar të sezonit.
Artikuj të sugjeruar:
