Ja 2 pyetjet e thjeshta me të cilat Bill Gates zgjidh problemet e vështira

Foto: Getty Images. Ilustrimi: Inc. Magazine

Kur dëgjon “Bill Gates”, automatikisht mendon për Microsoft, miliarda dollarë, filantropi dhe njerëz që dinë si të zgjidhin probleme. Por si e nis Gates zgjidhjen e çdo problemi?

Spoiler: me dy pyetje të thjeshta, por shumë të zgjuara.

Në blogun e tij GatesNotes, ai thotë: “Që kur isha adoleshent, çdo problem të madh e kam nisur me të njëjtin proces: me këto dy pyetje. I bëj ende, çdo javë.”

Cilat janë këto dy pyetje?

1. Kush e ka zgjidhur mirë këtë problem përpara meje?
2. Çfarë mund të mësoj nga ata?

Pse funksionon kjo metodë? Sepse, në vend që të panikosesh ose të përpiqesh të shpikësh rrotën nga e para, thjesht kërkon dikë që e ka kaluar të njëjtën rrugë para teje. E thjeshtë. Efikase. Si me një video tutorial “Si të zhbllokosh lavamanin” në YouTube: e ka bërë dikush tjetër përpara, ti thjesht shikon dhe zbaton. Gates thjesht e aplikon këtë logjikë në përmasa më të mëdha.

Çfarë mësojmë ne?

- Të ndalojmë për pak dhe të kërkojmë rreth nesh, para se të ngatërrohemi me çdo problem që na del përpara.

- Të mos kemi turp të mësojmë nga të tjerët (edhe nëse janë konkurrentë, prindërit tanë apo dikush në TikTok që di më shumë se ne për diçka).

- Dhe mbi të gjitha, të sillemi si nxënës, jo “hero që i di të gjitha”.