Dasma e papritur dhe e fshehtë e Jennifer Lopez dhe Ben Affleck i surprizoi të gjithë. Këngëtarja ndau me fansat e saj në buletinin “On the JLo” disa momente nga ceremonia në Las Vegas.
Ajo publikoi disa pamje të dy fustaneve të bardhë që veshi për dasmën e shumëpritur. Lopez veshi një fustan me dantellë me mëngë të gjata nga koleksioni Pranverë-Verë 2023 i dizajnerit Zuhair Murad.
Një pamje e qartë e fustanit nga koleksioni i Murad.
J.Lo zbuloi se u martua me një "fustan nga një film i vjetër". "Ndihem e mahnitshme. Jam shumë e emocionuar", thotë ajo në video për fustanin tjetër. “Kam kaq vite që e kam këtë fustan dhe e ruaja, e ruaja, e ruaja dhe tani po e vesh në ditën time të dasmës”.
Affleck zgjodhi një xhaketë të bardhë smoking me një papion të zi.
“Ata kishin të drejtë kur thanë, ‘gjithçka që ju nevojitet është dashuria’. Jemi shumë mirënjohës që e kemi me bollëk, një familje të re të mrekullueshme me pesë fëmijë të mrekullueshëm dhe një jetë që nuk kemi pasur kurrë më shumë arsye ta presim me padurim.” – shkroi J.Lo.
