Gratë e ISIS kanë vendosur kalifatin e tyre në kampin Al Hol në Siri, në të njëjtin kamp ku ndodhet edhe Alvin, vogëlushi shqiptar 11-vjeçar. Xhihadistët kanë krijuar një strukturë matriarkale, ku udhëheq një grua.
Gratë e ISIS kanë përfituar nga kaosi i shkaktuar nga luftimet e forcave turke dhe kurde, për të krijuar një “mini shtet” të tyren. Kampi tashmë drejtohet nga një grua, që njihet si emir (titull që i vendoset atyre që udhëheqin), e cila përcakton rregullat e jetesës, kodin e veshjes, merr informacion për lëvizjet e rojeve dhe ndëshkon të pranishmit në kamp.
Një zyrtar i inteligjencës kurde u shpreh se gratë e ISIS morën nën kontroll kampin si pasojë e faktit që një pjesë e forcave kurde u përpoq që të “ndalonte pushtimin turk”. Nga 800 roje të kampit, mbetën vetëm 300.
Udhëheqja e tyre ka për qëllim të radikalizojë të gjithë të miturit që nuk kanë dalë kurrë jashtë kampit. Sipas raportimeve, çdo muaj ndodhin vrasje për shkak të gjykatës kriminale të ISIS.
Artikull i rekomanduar: Gazetari italian flet për herë të parë për vizitën në kampin ku mbahet Alvin Berisha
Artikulli i përditësuar: Dritë jeshile: Alvin Berisha ndodhet në duar të sigurta
Burimi: El País
