
Ilir Vrenozi shkëputi befas rrugëtimin e tij në "Big Brother VIP Albania 5" ditën e sotme. I ftuar në "Shqipëria Live" me Sidorela Gjonin në Top Channel, ai shpjegoi se arsyeja e vendimit për t'u larguar ishte kryesisht shëndetësore.
"Jam i lodhur, jam i sëmurë, kam problem nga pesha. Këmbët i kam të enjtura nga mbipesha. Mund ta përballoja, por do shkoja në spital."
Më tej, ai konfirmoi se përtej shëndetit, edhe stresi dhe presioni brenda shtëpisë ishte bërë i madh.
"Do ta vuaj shumë largimin. Rëndësi ka që unë hyra Ilir Vrenozi, dola Ilir Vrenozi," shprehu Iliri, që nga komentet e njerëzve në rrjet dukej se fitoi shumë simpati edhe nga publiku.
Në fund, ai shprehu vlerësimin e tij për Stenaldon, Stinen dhe Senon, ndërsa Kristin, Angelon dhe Mirin, Iliri tha se nuk i pëlqenin në lojë.
