Ky do të jetë një nga muajt tuaj të preferuar të 2020. Keni punuar fort për të forcuar arritjet në karrierë dhe jeni të vendosur të shtoni të ardhurat. Keni dashur të gjeni një mënyrë për të përdorur talentet tuaja, për të shijuar punën që bëni dhe për t’u paguar bujarisht. Janë të gjitha kërkesa shumë të drejta dhe keni qenë mëse të gatshëm të punoni fort për të fituar më shumë të ardhura.

Me shumë mundësi, iu është dukur shumë punë e vështirë sepse Saturni po u limiton të ardhurat për t’ju mësuar vlerën e parasë. S’keni pasur kurrë probleme me fitimin dhe kjo influencë iu është dukur e panjohur dhe konfuzuese. Sidoqoftë, këtë muaj do të shihni frytet e punës.

Gjatë hënës së plotë më 9 mars do të duartrokiteni për arritjet në punë. Mund të ngriheni në detyrë, mund të lëvdoheni publikisht, mund të merrni një kritikë pozitive ose mund të merrni një ofertë nga konkurrenca. Nëse jeni të vetëpunësuar, mund të bëni për vete një klient të rëndësishëm katër ditë para ose pas hënës së plotë.

Mërkuri ishte në prapavijë muajin e kaluar dhe ngaqë progresi juaj profesional dhe reputacioni varet nga mërkuri, mund të keni pasur disa probleme të vogla. Mërkuri kthehet në vijë të drejtë më 9 mars dhe të gjitha do të kthehen në normalitet bashkë me të. Do të ndjeni energji të jashtëzakonshme teksa i afroheni nëntë marsit.

Kjo hënë e plotë është dyfish e ëmbël sepse Marsi, Jupiteri, Plutoni dhe Saturni te Bricjapi, në shtëpinë tuaj të dytë të të ardhurave do të shkëlqejnë fuqishëm kundrejt hënës. Në fillim të marsit do të vini re rritje masive në pagesa dhe si rrjedhim, rritje të influencës suaj dhe pozitës në industrinë ku punoni.

Nëse keni një intervistë me rëndësi, dokumenta për të firmosur, një prezantim për të dhënë apo një marrëveshje për të negociuar, bëjini dy ditë pas hënës së plotë, më 11 mars pasi Jupiteri do të jetë në sinkron me Diellin. Planeti juaj sundues është Jupiteri dhe do të përfitoni më shumë nga të gjithë nga vendimet e marra më 11 mars. Do t’ju shkojnë mbarë jo vetëm çështjet financiare, por edhe çështjet familjare dhe të pronave. Do të bjerë në sy edhe mbështetja e familjes në arritjen e synimeve tuaj.

Gjithashtu, më 20 mars paratë do të derdhen lumë pasi Marsi dhe Jupiteri do të takohen në sektorin e të ardhurave. Përfundoni negociatat dhe firmosni dokumentat atë ditë dhe gjithçka do të shkojë shumë mirë dhe do të jetë goxha fitimprurëse.

Merreni 20 marsin shumë seriozisht sepse është shumë fatsjellës.

Më 27 mars mund t’ju ngarkojnë një projekt që paguhet shumë mirë. Afërdita do të jetë te Demi, në shtëpinë tuaj të gjashtë të projekteve profesionale dhe do të goditet me rreze nga Jupiteri bamirës.

Marsi do t’ju sjellë shumë të ardhura dhe ju presin vetëm ditë më të mira. Ky trend sapo ka nisur.

Saturni do të larghet nga sektori juaj i të ardhurave nga 21 marsi deri më 1 korrik. Do të rikthehet sërish nga 1 korriku deri më 17 dhjetor 2020 dhe pas kësaj s’do të kthehet më në shenjën tuaj deri në janar të vitit 2047. Nuk do t’ju marrë malli për Saturnin pasi ngushton dhe zvogëlon gjithçka që prek. Do të keni mundësi të shtoni të ardhurat me shpejtësi gjatë muajve të ardhshëm. Do të keni mjaftueshëm për të shlyer borxhet dhe për të kursyer.

Dielli, në sektorin e shtëpisë, do t’ju japë mundësinë të përmirësoni ambientin ku jetoni.

Këtë muaj do të argëtoheni shumë. Hëna e re e 24 marsit bie në shenjën e Dashit dhe do të jetë një nga ditët më romantike të 2020-s. Nuk bëhet fjalë për një takim të rëndomtë – po flasim për një takim që rrit ndjenjat, që të hap rrugën drejt martesës dhe fëmijëve.

Nëse jeni beqarë, kjo hënë e re do t’ju njohë me dikë. Ju duhet të përpiqeni, sidoqoftë. Dilni, kini besim të vetja dhe mirëpriteni ç’ju ofron universi.

Me shumë mundësi do t’ju duhet të udhëtoni, për punë ose për të takuar familjarë. Nëse keni një partner, merreni me vete pasi do të kënaqeni vërtet.

Ky është viti juaj dhe këtë muaj do t’ju duket sikur të gjithë planetët i kanë sytë nga ju. Jeni i preferuari i qiellit, i dashur Bricjap. Do të ndiheni të adhuruar dhe me të drejtë. Është një muaj i jashtëzakonshëm.

Ky është momenti për t’i dhënë rrugë punëve sepse do të keni mbështetjen që ju ka munguar përgjatë dy viteve të kaluar. Po nisni një cikël të rëndësishëm dhe farat që mbillni tani do të rriten dhe do t’ua vilni frutat dekadën e ardhshme.

Marsi në Bricjap nga 16 shkurti deri më 30 mars është shumë i rëndësishëm. Marsi do t’ju falë prezencë, vendosmëri dhe vullnet. Energjia juaj do të jetë e painjorueshme dhe të tjerët do t’ju mbështesin. Prisni deri sa Mërkuri të dalë nga prapavija për të vijuar me projektet që keni në mendje. Pas nëntë marsit mund t’i vini sytë çmimit të madh.

Hëna e plotë në Virgjerëshë do të ndodhë më 9 mars në shtëpinë tuaj të nëntë të udhëtimeve dhe marrëdhënieve ndërkombëtare. Mund të finalizohet një udhëtim i rëndësishëm që ju emocionon ose mund të përfundoni një marrëveshje. Me shumë mundësi do të udhëtoni, prandaj zgjidhni gjithë problemet që keni me emigrimin, dokumentat ose pasaportën.

Hëna e plotë e 9 marsit do t’ju mbushë me krenari kur të merrni një provim të rëndësishëm, kur të përfundoni librin a skenarin që keni në dorë. Puna juaj do të lëvdohet zëshëm. Kjo hënë e plotë do t’ju mbështesë jo vetëm tani, por edhe në të ardhmen. Me Saturnin dhe Marsin miqësor me hënën e plotë, do të fitoni aftësi të reja dhe do të zgjeroni horizontet.

Nëse keni në plan ndryshime në shtëpi, ky është momenti i duhur. Nëse doni të blini, shisni, merrni apo jepni me qira, bëjeni pas 24 marsit.

Romanca do të jetë në qendër të vëmendjes në fund të muajit, më 27 mars. Afërdita do të jet ënë shtëpinë tuaj të pestë të dashurisë së vërtetë dhe do të sigurojë që marsi të jetë një muaj magjik për dashurinë.

Bëni mirë të blini rroba të reja që do të kthejnë koka. Ky muaj do t’ju sigurojë mbështetje të pamatë. Jeni të lidhur? Suprizojeni partnerin përgjatë muajit pasi do të reagojë mrekullisht mirë.