Dje, Luiz Ejlli i rrëfeu Kiara Titos se është i prekur nga një sëmundje e rrallë dhe pret të kurohet në Bergamo, pasi klinika atje është një prej të 11 në botë që trajton sëmundjen e tij.
“E kam në tërë trupin. Më ka dalë 3 muaj para se të vija. Shkova kot për check-up dhe më doli”, tha Luizi.
Sipas kërkimeve tona, Luizi ka rrëfyer për sëmundjen e rrallë edhe para 5 vitesh, në emisionin “Diagonezë”. Ai ka treguar për sëmundjen e tij dhe njësoj siç i tregoi Kiarës, ai sërish tha që e ka (ri)zbuluar rastësisht sëmundjen.
“Unë e kam shumë të freskët, në korrik të këtij viti shkova rastësisht të bëj një kontroll, nuk po ju them çfarë doli dhe u desh të bëhej një ndërhyrje. Shkova me një shok, duke qeshur dhe thënë ne çojmë makinat një herë në tre muaj në servis dhe veten nuk e çojmë një herë në dhjetë vjet. Ua këshilloj burrave dhe grave të shkojnë sa më shpesh të kontrollohen. Atëherë kur je mirë duhet të shkosh, kur të jesh në fund pastaj...”, u shpreh këngëtari.
“Njerëzit duhet të kuptojnë se doktori nuk është për të të shpëtuar jetën, është për të parandaluar rrezikun. Nëse i shkon në gradë të fundit dhe i thua shpëtomë dhe ai thotë nuk mundem, nuk është faji i tij. Kam rënë 8 kg për 5 ditë prej stresit. Kur është puna për shëndetin të gjithë frikësohen. Unë e pësova për fajin tim, për diçka që mund të ishte eliminuar me një gotë ujë dhe disa ilaçe. Nëse e lë...”, përfundoi ai.
Ende nuk dihet saktësisht se nga çfarë vuan saktësisht Luizi, por sipas komenteve, njerëzit e mbështesin, por nuk e lënë mënjanë dhe skepticizmin për shkak të neglizhencës që Luizi tregon, duke konsumuar cigare, pije energjike, si dhe vetë qëndrimi në shtëpinë e “BBVA”, në vend që të ndjekë trajtimet e duhura i ka vendosur në dilemë njerëzit.
