Moderatorët e "UëTëFëë Show!" nga Andale Media bënë një vizitë gjatë Krishtlindjes në shtëpinë e Orinda Hutës, për një bisedë që rrodhi nga jeta e saj familjare deri tek ajo profesionale. E përsa i përket kësaj të fundit, duke folur për një pjesë më të hershme të saj, karrierës së Orindës në muzikë, ajo u shpreh për eksperiencën në festivale, të cilat sipas saj janë shumë lodhëse prej energjisë jo të mirë:
"Në festival nuk mendoj që do më shohësh sepse është shumë i lodhshëm, ka një energji jo të mirë. Ti nisesh për një gjë të mirë, thua 's'kam çfarë humb' se fundja nuk është se po kërkoj çmimin e parë. Unë gjithmonë kam hyrë sepse kënga më ka pëlqyer, kam menduar që të tjerëve do u pëlqejë si produksion, por nuk menduar ndonjëherë që kënga ime do fitojë, nuk jam nisur asnjëherë për çmimin e parë të një festivali," iu shpreh Orinda moderatorëve Artemis Senja dhe Kostjan Gjerazi.
Orinda vazhdoi të thoshte më tej se pjesëmarrja në festivale është e kushtueshme dhe nuk ia vlen barra qiranë kur pasojat tek artisti s'janë më të mirat:
"Duke qenë se jam nisur me këtë lloj ideje, kur ti futesh dhe merr energji të keqe, dhe gjithë ai shpenzim... se është shpenzim kolosal në një festival. Kënga shkon 5 mijë euro, jo veshja...janë të gjitha shpenzime që thua 'pse duhet t'i bëj unë këto?!'. Ndërkohë futi dhe energjinë e keqe brenda, për çfarë duhet ta lodh unë veten?! Nuk më bind më kthimi në festival."
Siç tha dhe Turjan Hysko në një intervistë për "The Dalina Show", Orinda Huta po rikthehet me një projekt në muzikë, të cilin ajo zbuloi për "UëTëFëë Show!!" se po e publikon për kënaqësinë e saj dhe nuk planifikon të konkurrojë me të ndokund:
"Unë bëra këngën e fundit që do e nxjerr shumë shpejt, është këngë shumë e bukur. Nëse do ishte një festival absolutisht do bënte namin. Turi ishte me idenë që ta fusja në 'Këngën Magjike'. Unë nuk isha, nuk mendoj se do e bëj më festivalin sepse nuk kam energji ta bëj."
Intervista e plotë:
