Gisele Bündchen do të bëhet nënë për herë të tretë! Ajo është në pritje të bebit të parë me të dashurin, Joaquim Valente, sipas një burimi ekskluziv për People.

Supermodelja 44-vjeçare po kalon një periudhë të qetë, ndërsa pret fëmijën e saj. Ajo ka vendosur të mos zbulojë gjininë e foshnjës deri në lindje dhe është e vendosur të përjetojë këtë moment të veçantë përmes një lindjeje natyrale në shtëpi.

“Gisele është shumë e lumtur në Miami dhe e pëlqen jetën e saj atje. Të gjithë ndihen mirë,” thotë burimi.

Bündchen ndihet “shumë me fat” që ka takuar Valente, i cili është instruktor i jiu-jitsu-s. Dyshja kanë qenë miq në fillim, por kanë nisur një lidhje më serioze që prej më shumë se një viti. “Ajo është e emocionuar për fëmijën dhe ndihet mirë. Është disa muajshe dhe ka planifikuar një lindje në shtëpi,” shton burimi.

Të hënën e 28 tetorit, burimi ekskluzivisht konfirmoi për People se Bündchen dhe Valente, 37 vjeç, po presin fëmijën e parë së bashku.

“Gisele dhe Joaquim janë të lumtur për këtë kapitull të ri dhe presin me padurim të krijojnë një ambient të qetë dhe të dashur për të gjithë familjen,” tha burimi.

Bündchen dhe ish-bashkëshorti i saj, ish-lojtari i NFL, Tom Brady, kanë dy fëmijë së bashku: djalin Benjamin Rein, 14 vjeç dhe vajzën Vivian Lake, 11 vjeç. Ata njoftuan ndarjen e tyre në tetor të vitit 2022, pas 13 vitesh martesë dhe kanë kujdestarinë e përbashkët të fëmijëve.

Gisele dhe Joaquim u panë për herë të parë së bashku në nëntor të vitit 2022 dhe për disa muaj mohuan lidhjen e tyre romantike. 

Artikuj të sugjeruar: