Ashton Kutcher pozoi me Reese Witherspoon, meqë kanë bashkëpunuar edhe në filmin “Your Place or Mine”, por dukeshin mjaft në siklet. Madje, aq në siklet, sa edhe ne që e pamë foton ndjemë një tip sekëlldie.
Por, Ashton e justifikoi qëndrimin e tij duke thënë: “Ja si është situata: Nëse do ta përqafoja dhe do dukeshim si miqësorë, do të (mendohej) se kam një lidhje me të. Domethënë, ky do të ishte thashethemi”, tha aktori, i cili në foton e famshme, i ka mbajtur duart pas shpine, ndërkohë që kolegia po qeshte se ç’të bënte tjetër.
Nga ana tjetër, Witherspoon tha se mori një mesazh nga gruaja e Ashton, Mila Kunis, e cila bëri shaka me foton dhe kiminë e tyre në kamera. “Dukeni kaq të sikletshëm në tapetin e kuq”, i kishte shkruar Mila dhe me të drejtë.
Ata bënë edhe një foto tjetër ku duken ca më të afërt, por ne s'e harrojmë dot të parën.
Ndërkohë: Unë me babin në mbledhjet me prindër, pasi i kishte thënë zysha që nuk dija formulën e kripës. (Faleminderit Ashton për kujtimin e hidhur)!
Por, nuk besojmë se do të thoshte njeri që dy yjet kanë një lidhje paralele, ama për foton e sikletshme folëm dhe nëse ka ndonjë të re, do të flasim prapë.
