Mark Zuckerberg është trend në rrjetet sociale, veçanërisht në X (ish-Twitter), për shkak të një fotoje të edituar, ku ai shfaqet me mjekër. Ndryshimi është i dukshëm dhe njerëzit thjesht s’po mbajnë dot veten dhe komentet. Fotoja e edituar është marrë nga një video e publikuar në Instagram nga vetë bashkëthemeluesi i Facebook, i cili njoftonte se Meta do të publikojë një version të ri të inteligjencës artificiale.
Në video, Mark tregon kaçurrelat e tij të shkurtra dhe shfaqet i veshur me një bluzë të thjeshtë blu dhe me një varëse floriri. Megjithëse qëllimi i tij ishte të njoftonte njerëzit për risinë, rrjeti veç aty nuk u përqendrua.
“I duhej thjesht një mjekër që të kalonte nga Robo-Zuck në një Yll-Zuck”, shkroi dikush; “Ai duket kaq ndryshe, kaq seksi”; “Sa kapituj kam humbur? Pse duket kaq seksi?”; “Do i jepja më shumë se thjesht të dhënat e mia” ishin disa nga komentet në rrjetet sociale.
Gjithsesi, i gjithë ky entuziazëm u shua deri diku, pasi ja si duket fotoja e vërtetë:
E dimë që askush nuk e ka mendjen, por inteligjenca artificiale e Meta-s duket nam. Domethënë, shih sa e vërtetë duket mjekra e Mark.
Artikuj të sugjeruar:
