Viti 2020 nuk ka qenë viti më i bukur për të gjithë ne, prandaj pak të qeshura do na bënin mirë. Këto janë produksionet e reja filmike të 2020-ës, të zhanrit komedi:

- Palm Springs

Komedi romantike, e interpretuar nga Andy Samberg dhe Cristin Milioti. Ata takohen në një dasmë, gjërat komplikohen dhe e gjejnë veten të paaftë për t’i shpëtuar vendit dhe njëri-tjetrit.

- Eurovision Song Contest: The Story of Fire Saga

Kur këngëtarëve aspirues Lars (Will Ferrell) dhe Sigrit (Rachel McAdams) u jepet mundësia e një jete të tërë për të përfaqësuar vendin e tyre në konkursin më të madh në botë të këngëve, ata më në fund kanë një shans të dëshmojnë se çdo ëndërr që ke është një ëndërr, për të cilën ja vlen të luftosh.

-  Like a Boss

Dy mikesha (Rose Byrne dhe Tiffany Haddish) përgatiten të fillojnë së bashku një kompani bukurie. Gjatë këtij rrugëtimi, një prej bashkëpunëtoreve (Salma Hayek) fillon të përfitojë prej tyre. Ato nisin luftën gjithashtu, sigurisht.

- Emma

Romani klasik që frymëzoi filmin “Clueless” merr një përshtatje më qesharake. Emma është vetëm një nga heroinat e Jane Austen, që nuk ka nevojë të martohet me dikë të pasur dhe po përpiqet në mënyrë katastrofike të gjejë dashuri për veten dhe miqtë e saj, teksa injoron çfarë është e mirë për të.

- Lovebirds

Issa Rae dhe Kumail Nanjiani luajnë rolin e një çifti, që përfshihet pa dashur në një çështje kriminale dhe një aventurë e gjatë i pret së bashku.

- Irresistible

Steve Carell, në rolin e tij të fundit, luan strategjistin më të lartë të Komitetit Demokratik Kombëtar, i cili punon për të bindur një ish-marinar të kandidojë për kryetar komune.

Burimi: Cosmopolitan