E ftuar në “S’e luan Topi”, Fifi rrëfeu shumë mbi jetën e saj private. Në momentin kur u vendos kënga “Diell”, Fifi riktheu emocionet dhe kujtimet që i sjell kjo këngë.
Me lot në sy, këngëtarja u shpreh: “Më kujton se si s’më kuptuan kurrë. Kjo këngë më kujton “BBVA 1”, atë periudhë. Unë nuk dija të luaja, kjo është pak por e saktë. Më vjen shumë keq që njerëzit kanë parë vetëm një Fifi toksike, kanë parë veç një Fifi që ka një qasje ndryshe nga ç’i qaset në realitet. Patjetër që unë bërtas, qaj, gërthas dhe çohem në këmbë prapë, qesh, këndoj dhe jetoj. Prandaj jam Fifi".
Këngëtarja shtoi:
“Më vjen shumë keq që asnjë s’e ka kuptuar anën time njerëzore. Kanë gjykuar dhe paragjykuar siç kanë dashur. Më vjen edhe keq që kanë dalë vetëm gjëra të këqija, sepse s’kam qenë negative. Rrugëtimi im në “BBVA 1” ka pasur shumë ngjyra, por kanë dalë veç ato bardhë e zi. Unë kam kënduar, kam qeshur, kam bërtitur, kam luajtur”, tha ajo.
Më tej vijoi:
“Unë nuk jam një person dhunues, as psikologjikisht dhe as fizikisht. E bënë të duket sikur unë kam probleme mendore, që s’është e vërtetë. Unë kam probleme me menaxhimin e emocioneve të mia, por nëse do i menaxhoja ndjenjat, këngët që i shkruaj unë, nuk do ishin”.
Fifi tregoi se ka një peng: “Nuk dola Fifi shumëngjyrëshe, e mirë siç jam, sepse kam qenë e mirë me të gjithë dhe kjo është e dhimbshme. Unë nuk isha si të tjerët, unë isha Fifi me një rrugëtim intensiv dhe njerëzit më njihnin".
Ajo tregoi se hiperbolizimi i situatës kur i ranë të fikët ishte i dhimbshëm dhe i frikshëm.
“Kur më ra mua të fikët u hiperbolizua dhe u shkatërrua, e bënë parodi. Thanë që mua nuk më ra të fikët, por u shtira. Ishte e dhimbshme, ishte e frikshme. Ka qenë një periudhë që isha shtatzënë dhe e kam parë dhe mendova: “Pse po e përdorin përsëri?” Nga ana tjetër, nuk doja ta tregoja që isha shtatzënë, sepse ja kam thënë dikujt dhe ia ka tregur gjithë botës. Unë nuk doja ta tregoja që isha shtatzënë sepse nuk ngela shtatzënë për opinionin dhe mediat sociale, por ngela për veten time”, tha ajo dhe theksoi tha se arsyeja pse i ranë të fikët ishte debati me Balina Bodinakun.
Balina, asokohe opinioniste, i tha Fifit se i ka ikur vëmendja dhe se po mundohej të kapej me njerëzit e tjerë dhe sipas këngëtares, ky ishte momenti kur në kokën e saj u soll mendimi se ka humbur familjen, miqtë, se njerëzit e urrejnë dhe se i iku karriera nga duart.
"S'e mbaj mend se ç'kam bërë dhe se ç'kam thënë. Mbaj mend vetëm fjalinë: "Unë dua të dal", tregoi ajo, duke treguar se mori mjekim pasi i ranë të fikët.
Këngëtarja tregoi se nuk i përballon dot nervat e forta dhe për këtë ishte në dijeni edhe produksioni.
Artikuj të sugjeruar:
