Foto: Fedez/ Instagram

Pas muajsh të stuhishëm me tituj, thashetheme dhe ndarje publike nga Chiara Ferragni, Fedez duket se ka kthyer faqen dhe ka gjetur një kapitull të ri dashurie në krahët e Giulia Honegger.

Stiliste dhe sipërmarrëse nga Milano, Giulia nuk është pjesë e botës së showbiz-it klasik. Me një profil privat në Instagram dhe rreth 14 mijë ndjekës, ajo është e njohur në qarqet e modës si një figurë e rafinuar, elegante dhe me shije të sofistikuar. Ajo është bashkëthemeluese e një brand-i mode me mikeshën e saj, Lucrezia Savoldi Bellavitis dhe që prej fillimit të verës është përfolur si vajza që ka "rrëmbyer" zemrën e reperit të famshëm italian.

Lidhja e tyre u zbulua fillimisht nga revista “Chi” dhe më pas u ndez nga një postim i vetë Fedez-it, ku një vajzë me fytyrë të mbuluar nga një kapele shfaqej në fotot e tij. Fansat, me syrin e tyre të stërvitur, nuk e lanë të kalonte pa u vënë re ky detaj.

Dyshja gjithashtu janë parë bashkë disa herë, nga plazhi i Marina di Pietrasanta, në resortin e mikut të vjetër të Fedez-it, deri te një darkë intime dhe një drekë në plazh. Edhe pse nuk ka asnjë deklaratë zyrtare nga asnjëri prej tyre, mediat italiane dhe rrjetet sociale janë të mbushura me imazhe dhe “prova” që konfirmojnë një lidhje të re në horizont.

Kjo histori vjen pas një periudhe të turbullt për Fedez, pas ndarjes së shumëkomentuar nga Chiara Ferragni, me të cilën ndau jo vetëm një jetë dhe dy fëmijë, por edhe një pjesë të madhe të imazhit publik. Çifti i dikurshëm ikonë e Instagram-it kaloi muaj të vështirë pas skandalit të “Pandoro-gate”, që vuri në rrezik jo vetëm martesën e tyre, por edhe reputacionin e markës së Ferragni-t.

Vetëm pak muaj më parë, Fabrizio Corona, i njohur si “mbreti i paparacëve” në Itali zbuloi në episodin e tij në "Falsissimo", se Fedez kishte pasur një marrëdhënie të gjatë me Angelica Montini-n, një lidhje që filloi rreth vitit 2017 dhe që sipas Corona-s vazhdoi gjatë dhe pas martesës me Chiara Ferragni-n.

Chiara Ferragni reagoi ashpër pas këtyre zbardhjeve, duke postuar në Instagram se martesa e saj kishte qenë “një tallje e plotë” dhe konfirmoi se Fedez e kishte tradhtuar me Angelica-n. Ajo tha se ai e kishte paralajmëruar në fund të vitit 2024, duke thënë se “mendoi të mos martohej disa ditë para dasmës”.

Fedez reagoi duke i pranuar gabimet e tij, duke thënë se kishte “paguar” për to dhe se nuk do ta kthente jetën e tij private në spektakël publik.

Me Giulia-n, Fedez duket më i qetë, më larg dritave të forta dhe më pranë një jete private, ndoshta për herë të parë në shumë kohë. Duke marrë në konsideratë reagimin e tij pas skandalit të tradhtisë, duket se Fedez ka gjetur tashmë pikërisht atë që i duhej.

^{Burimet: Radio 105, La Pais}