Olta Gixhari u bë nënë për herë të dytë përpara 10 ditësh, teksa ndau virtualisht lajmin e bukur me të gjithë ndjekësit e saj përmes një foto me të dy djemtë, Amarin dhe djalin e vogël. Sot, aktorja ka vendosur që të bëjë një pyetësor në Instagram duke iu përgjigjur disa pyetjeve më interesante sipas saj (e kuptueshme që pjesa dërrmuese e tyre lidhen me lindjen, shtatzënitë dhe jetën si mama).
View this post on Instagram
E pyetur nga ndjekësit për lindjen e dytë dhe vështirësitë, Olta është shprehur se:
“Çunat e mi e kanë zgjedhur vetë datën e lindjes sepse une bëj lindje natyrale. Djali i dytë ma dha shenjën e parë në datë 13 dhe më pëlqeu shumë si datë sepse këtu në Spanjë është festa e Shën Antonios, ndërsa në Shqipëri është mbarimi i pelegrinazhit në kishën e Shën Ndout, pra është datë shenjtorësh,” u shpreh Gixhari.
Pra, Olta tregoi që është jo pak supersticioze në jetë, sidomos kur vjen puna te fëmijët. Duket se pikërisht për këtë arsye, ajo deri tani nuk na e ka zbuluar as emrin e djalit të dytë.
“Emrin do e tregojë shumë shpejt. Unë jam pak surpersticioze, ashtu kam unë një gjë në kokë, sapo të kalojë pak sigurisht që do ta tregojë. Kur ta dëgjoni me siguri do thonë: “Për këtë pritëm kaq gjatë!”
Për të gjithë kuriozët, do prisni pak deri në zbulimin e emrit të djalit të Oltës!
Artikuj të sugjeruar:
