Prishtina këto ditë është elektrizuar nga "Sunny Hill Festival" dhe përgjegjësit kryesorë për këtë janë Dua Lipa dhe i ati, njëkohësisht menaxheri i këngëtares, Dukagjin Lipa.
E ftuar në "Sunny Hill", ndër shumë artistë të njohur shqiptare dhe të huaj, ka qenë edhe Elvana Gjata.
Një ditë pas performancës ajo shkroi një dedikim falenderues për Dua Lipën dhe me dy fjali, përmblodhi pak a shumë çfarë mendojmë të gjithë ne për Duan.
"Ia kalova kaq mirë me ty dhe familjen tënde të mrekullueshme. Një artiste e vërtetë, një shpirt i bukur jashtë dhe brenda, e megjithatë shumë e përulur. Jemi të gjithë shumë krenarë për karrierën tënde dhe çdo gjë që po bën për Kosovën dhe shqiptarët në gjithë botën. Shumë dashuri!"
Sunny Hill po kthehet në një traditë të përvitshme për Kosovën dhe po cilësohet, jo vetëm si festivali më i madh në Kosovë, por edhe në gjithë rajonin.
Askush më parë nuk e ka promovuar Kosovën në këtë mënyrë, veçanërisht me kaq shumë art, muzikë të mirë dhe shumë shumë qejf!
- Gjejeni pak kush vjen në Tiranë për Sunny Hill Festival!
- Për mirë apo për keq, Ronela Hajati e hodhi një kunjë për “Sunny Hill Festival”
- Videoja virale: Momenti SPEKTAKOLAR i MC Kreshës dhe Lyrical Son në Sunny Hill Festival
- Përtej muzikës, “Sunny Hill Festival” ka një mesazh për Kosovën
- Sunny Hill, një super festival: Elektrizohet Prishtina
