Egla Ceno duket se nuk ka ndër mend t'i ndahet dramave këto kohë. Kësaj here, ajo ka ironizuar deklaratën e Luizit në Fan Club, si edhe përgjigjen që ai i dha kritikës së Anaid Kalotit. Kur Luizi u shpreh se do t'i dilte gjithmonë në mbrojtje Kiarës, veçanërisht ndaj atyre që "janë përpjekur ta lënë në hije", Egla e ironizoi duke thënë se do donte dhe ajo një burrë të tillë:
"Ah, si s'kam një burrë që të kujdesej për 'kolltuqet' e mia. 'Punë majdanozi', duhet t'i zgjidh të gjitha hallet vetë në këtë jetë!"
Kjo nuk është hera e parë që Luizi flet në emër të Kiarës dhe i del në mbrojtje ndaj "sulmeve" publike. Ndoshta, për këtë e ka fjalën Egla kur përmend kolltuqet. Pra, se Kiara mund të jetë shumë rehat, e ulur në kolltukë të mirë (Portokalli e së fundmi Fan Club), por Luizi do të krijojë së koti mbrojtje për të shoqen kur as nuk po e sulmon apo nënvlerëson njeri.
"Apo preferoni të lexoni 'punë mjuti'? Oh pardon, unë jam femër, nuk më ka lezet ky fjalor, edhe 'majdanozi' më merret si herezi," vazhdoi ajo më tej duke ironizuar dhe gjuhën që përdori Luizi ndaj Anaidit.
Në fund, Egla e përmbylli deklaratën me "ju rrofshin kolltuqet me gjithë kolltuksa", duke ironizuar qartësisht të dy, edhe Luizin, edhe Kiarën.
Vetëm pak ditë më parë Luizi pati një reagim tipik në Instagram ndaj Anaidit. Ndonëse ky i fundit argumentoi se deklarata e "hijes dhe dritës" nga ana e Luizit ishte e pavend, pasi Kiara po korr gjithsesi sukses në Top Channel, Luizi s'e priti shumë mirë dhe u përpoq t'i "tregonte vendin" Anaidit me një kundërpërgjigje fodulle.
-
Shpallim të hapur sezonin e dramave! Ç'pati Luizi me Anaidin?
22 Dhjetor, 08:22
