Disa javë më parë, rrjetet sociale dhe jo vetëm u pushtuan nga fotot e të pasmeve të Kim-it, të cilën e kryqëzuan për celulitin e tepruar dhe për format të cilat rezultuan jo ashtu si i prisnin të gjithë.
Edhe pse e quajtën me çdo lloj emri dhe e vunë përpara një përgjegjësie të madhe, seks simboli zgjodhi të reagonte me finesë dhe të mos e bënte edhe më dramatike situatën. Por kjo deri më sot, pasi ylli i “Keeping Up With The Kardashian” tregon se fotot e famshme janë edituar qellimisht në atë mënyrë nga paparaci i cili i ka shkrepur. Ajo është e bindur se ai i ka bërë me qëllim që format dhe celuliti i saj të dukeshin shumë herë më keq nga ç’janë vërtetë.
“Po shihja kudo foto të tmerrshme të miat gjatë udhëtimit në Meksikë, por janë totalisht të fotoshopuara. Sigurisht, as unë nuk isha në formën time më të mirë, nuk isha ushtruar për 12 javë dhe sapo kisha dalë nga 2 ndërhyrje kirurgjikale në mitër,”- tregon Kim.
Znj. West pohon se teksa shihte veten në atë gjendje, nuk ndihej vetvetja, aq më tepër pasi mësoi se si po abuzohej me fotot e saj.
Por, gjithsesi, duket se e gjithë kjo i ka shërbyer për diçka seks simbolit. Ajo tashmë ka ndryshuar regjim dhe po ndjek një tjetër dietë ushqimore, në mënyrë që askush të mos e marrë guximin ta komentojë kur vjen puna tek inperfeksionet e trupit.
Burimi: Daily Mail
