Ditë e re, një seancë e re pyetje-përgjigje në Instagramin e Fjoralba Ponarit. Mes pyetjeve me peshë si “cila është ngjyra jote e preferuar” dhe “a di të bësh fli,” një ndjekës i saji u interesua mbi orientimin seksual të moderatores së Top Channel.

S’ka pikë dyshimi që orientimi seksual është diçka personale, por kjo s’i ndalon njerëzit të pyesin. Në vend që t’i përgjigjej dhe kësaj pyetjeje me natyralitet, Fjoralba u acarua dhe u shpreh e ofenduar.

“Aaaa, ky është një nga ata meshkujt tipik që ofendon për vëmendje vazhdimisht, nga ata të lodhurit fare që s’kanë për ta mësuar kurrë ç’do të thotë të flirtosh me një femër. Për t’ju përgjigjur pyetjes tënde: Jo, por nëse do të më duhej të zgjidhja mes mashkullit të fundit si puna jote dhe një femre, do zgjidhja femrën. Aq të mbaruar më duken soji yt,” i përgjigjet ajo.

Ndoshta Fjoralba dhe ndjekësi anonim në kanë një historik bashkë, por në të kundërt, e gjithë përgjigjja është e tepërt. Një “jo” standarde do të mjaftonte, se të jesh lezbike apo gay, s’është ofendim e as turp.