Ju ndoshta jeni njohur tashmë me përfitimet e pastrimit të dyfishtë, praktikën e Koresë së Jugut të përdorimit të një vaji pastrimi të ndjekur nga një pastrues qumështi. Megjithatë, më pak të njohura janë përfitimet e hidratimit të dyfishtë, një nga rutinat më të njohura të kujdesit të lëkurës në Japoni.
Parimi i hidratimit të dyfishtë përfshin shtresimin e produkteve shumë të buta dhe të lehta për kujdesin e lëkurës që veprojnë në mënyrë sinergjike për të rritur përthithjen dhe për të përmirësuar hidratimin e lëkurës.
Si të veproni?
Së pari aplikoni një tonik hidratues (i njohur gjithashtu si locion tonifikues), i ndjekur nga një emulsion (një hidratues qumështor, i ngjashëm me xhel). Locioni tonifikues hidraton lëkurën, ndërsa heq çdo papastërti. Gjithashtu zbut lëkurën, duke bërë të mundur që produktet e kujdesit të lëkurës që aplikohen më pas të përthithen në sipërfaqen e lëkurës.
Emulsioni (shtresimi i produkteve), nga ana tjetër, ushqen epidermën, duke përforcuar barrierën e lëkurës. Adhuruesit e hidratimit të dyfishtë pohojnë se pas vetëm disa javësh, ata shohin më pak rudha mimike, më shumë sesa kur përdorin hidratues si zakonisht.
Rituali i dyfishtë hidratues
Në Japoni, ky hap i kujdesit të lëkurës është në fakt pjesë e një rituali të lashtë bukurie të njohur si Saho , i cili në thelb ka të bëjë me ndjekjen e një metode të saktë të fytyrën në mënyrë që të arrihet një lëkurë e butë.
Teksa aplikohet në mëngjes dhe në mbrëmje, versionet moderne të këtij rituali fillojnë me një pastrim të dyfishtë, të ndjekur nga hidratimi i dyfishtë dhe aplikimi i një kremi për zonën e syveve. Në mëngjes ritualit i shtohet edhe një SPF.
