Chris Martin ende ndjen shkëndija me Dakota Johnson.
Ndërsa çifti ka qenë në qendër të thashethemeve për ndarje gjatë vitit të kaluar, këngëtari i Coldplay me sa duket konfirmoi se ai dhe ylli i “Fifty Shades of Grey” janë *shumë* bashkë; edhe pse ata ende shpresojnë ta mbajnë romancën e tyre larg vëmendjes.
"Është e rëndësishme të thuhet se [dashuria romantike] është një faktor kaq i madh në çdo gjë," shpjegoi Chris për Rolling Stone në një intervistë të botuar më 19 dhjetor, "edhe pse është e drejtë ta mbash atë të çmuar dhe private; nuk jam duke mohuar fuqinë e saj”.
Ndërsa Chris dhe Dakota kanë qenë në heshtje së bashku për vite pas takimit në vitin 2017, medie të shumta raportuan në mars se çifti në fakt ishte fejuar vite më parë, megjithëse asnjëra palë nuk e konfirmoi fejesën në atë kohë.
Më pas u raportua në gusht se të dy i kishin dhënë fund romancës së tyre, megjithatë një përfaqësues konfirmoi në atë kohë se fjalët "nuk ishin të vërteta", duke shtuar, "ata janë të lumtur bashkë".
Në fakt, disa ditë pasi filluan spekulimet, Dakota u pa duke dalë në Malibu, Kaliforni, me një unazë smeraldi në gishtin e saj të unazës, e njëjta që mbante dhe në vitin 2020.
Çifti gjithashtu donte ta mbante romancën e tyre larg vëmendjes sa më shumë që të mundeshin, pjesërisht për shkak të familjes së Chris dhe përvojës së vetë Dakotës që u rrit në Hollywood si vajza e Don Johnson dhe Melanie Griffith.
Chris Martin ka dy fëmijë nga martesa e mëparshme me aktoren Gwyneth Paltrow, Apple dhe Moses, 19 dhe 17 vjeç.
Artikuj të sugjeruar:
