Nuk është më sekret: Supermodelet Gigi dhe Bella Hadid kanë një motër tjetër. Ajo është 23 vjeç, quhet Aydan Nix dhe është në hapat e parë të karrierës si stiliste.
Ajo është vajza e Mohamed Hadid, babait të Gigi-t dhe Bella-s, e cila ka ardhur në jetë nga një lidhje e shkurtër e këtij të fundit, pas divorcit me Yolanda Hadid në vitin 2001.
“Më shumë se 20 vjet më parë, babai ynë, ndërsa ishte beqar, pati një lidhje të shkurtër nga e cila erdhi në jetë Aydan”, deklaruan dy motrat.
Aydan u rrit në Florida, me njerkun që konsideroi si baba të vërtetë, derisa ai ndërroi jetë kur ajo ishte 19 vjeç. Më vonë, e shtyrë nga kurioziteti, Aydan vendosi të bëjë një test gjenetik, i cili e çoi në zbulimin e lidhjeve të saj biologjike me Gigi dhe Bella Hadid.
Motrat Hadid thonë se u takuan për herë të parë me Aydan në fund të vitit 2023 dhe “e kanë pritur me shumë dashuri.”
Aydan është takuar dhe ka kaluar kohë me të gjithë familjen Hadid, përfshirë edhe të atin, 78 vjeç, edhe pse ai nuk ka pranuar publikisht ekzistencën e saj.
“E kemi çmuar shumë këtë anëtare të re dhe të bukur në familjen tonë”, thanë Gigi dhe Bella. “Ne si motra, kemi pasur biseda të hapura dhe plot dashuri me Aydan, për të kuptuar se si mund ta mbështesim dhe mbrojmë atë.”
Ato gjithashtu kërkuan nga publiku dhe mediat që të respektojnë privatësinë e Aydan-it.
Sipas Daily Mail, lidhja e Mohamed Hadid me Terri Dull përfundoi pak para se ajo të zbulonte se ishte shtatzënë. Edhe pse thuhet se Mohamed ka qenë gjithmonë në dijeni të ekzistencës së Aydan-it, ai nuk është kujdesur financiarisht për të.
Madje, thuhet se Mohamed kishte thënë se do të ishte i pranishëm në ceremoninë e diplomimit të saj, por ndërroi mendja në javën e fundit.
Përveç Gigi dhe Bella-s, Mohamed dhe Yolanda, 61 vjeç, kanë edhe një djalë, Anwar Hadid, 25 vjeç. Mohamed, me origjinë nga Nazareti, është gjithashtu baba i dy vajzave të tjera, Marielle Hadid, 44 vjeç, dhe Alana Hadid, 39 vjeç, të cilat i ka nga martesa me gruan e tij të parë, Mary Butler.
Artikuj të sugjeruar:
- Në mbështetje të Taylor! Gigi Hadid ka vendosur të mbajë distancë nga Blake Lively?
- Bella Hadid mendon se gratë nuk duhet të punojnë gjatë ciklit menstrual
- Bella Hadid bëhet bjonde për Festivalin e Filmit në Kanë dhe duket magjepsëse
- Gigi Hadid zyrtarizon lidhjen me Bradley Cooper: Poston foton e parë me aktorin
