Blake Lively foli për vitin e saj “intensiv” në një intervistë të fundit. Dhjetorin e kaluar, ajo paditi aktorin dhe regjisorin Justin Baldoni – kolegun e saj në filmin "It Ends With Us" – duke e akuzuar për ngacmim seksual dhe një fushatë hakmarrëse për ta dëmtuar pas denoncimit.

Baldoni më pas paditi Lively-n, duke pretenduar shpifje dhe shantazh. Gjykimi pritet të mbahet vitin tjetër.

Në një deklaratë për New York Times, Blake tha:

“Shpresoj që padia ime të ndihmojë në zbardhjen e këtyre taktikave të errëta hakmarrëse ndaj atyre që flasin për ngacmimet dhe të mbrojë të tjerët që mund të jenë në shënjestër.”

Përtej deklaratave nga avokatët, Blake foli pak edhe në "Late Night with Seth Meyers", gjatë promovimit të filmit "Another Simple Favor".

Pasi foli për katër fëmijët e saj, ajo shtoi:

“Nuk është sekret që kam pasur një vit vërtet intensiv. Fëmijët e mi janë shpëtimi im. S’ka rëndësi çfarë dite kam, për ta duhet të jem 'Disneyland' çdo ditë. Është gjëja më e bukur.”

Ajo theksoi se nuk mund të thotë shumë për çështjen ligjore, por shtoi:

“Mund të them se ky vit ka qenë me kulmet më të larta dhe me pikat më të ulëta të jetës sime.”

Blake gjithashtu u shpreh se shumë gra sot kanë frikë të flasin, por falë atyre që kanë guxuar, ajo ndjen forcë dhe detyrë për të folur:

“Frika është ajo që na mban të heshtura. Por e di që shumë njerëz nuk kanë mundësi të flasin, ndaj ndihem me fat që unë mundem.”

Në Time100 Gala 2025, ajo bëri një deklaratë tjetër për situatën duke thënë:

“Kam shumë për të thënë për dy vitet e fundit të jetës sime, por sonte nuk është momenti. Do flas më vonë për atë çfarë do të thotë të jesh një grua që ka zë në ditët e sotme.”

Artikuj të sugjeruar: