Më 21 janar Ben Blushi bëri me dijeni se nuk do të vazhdonte më të ishte në krye të partisë Libra, lajm të cilin e dha përmes një postimi në Facebook. Këto ditë qarkulluan vazhdimisht zëra se Blushi ishte në negociata me Top Channel- in për postin e drejtorit të përgjithshëm.
Burime për “Panorama” thonë se politikani dhe publicisti do të jetë shumë shpejt drejtori i ri.
Mesa duket fjalët nuk janë të kota, për aq kohë sa edhe gazetari Blendi Fevziu ka dhënë një deklaratë në lidhje me mundësine e Blushit për të qenë në krye të Topit.
“Për mua ishte lajm i papritur dhe e përjetova me dy ndjesi kontradiktore. Me keqardhjen që politika humbi edhe një tjetër ndër personahet e saj cilësorë, ndërsa ndjesia e mirë ishte që Blushi po kthehet në media.’ tha ai për “Panorama”.
Fevziu vazhdoi duke thënë se më në fund Blushi do të rikthejë gazetarinë serioze, e cila po u mungon televizioneve shqiptare prej kohësh.
Përveç profilit politik kujtojmë se Ben Blushi ka mbaruar gjuhë- letërsinë, ka punuar si gazetar në “Koha Jonë” si dhe është autor i disa romaneve “Shqipëria”, “Letër një socialisti” etj.
