Bella Thorne, Charlie Puth

Bella Thorne sapo riktheu në vëmendje një nga dramat më të famshme të pas viteve 2010, përplasja e saj me Charlie Puth. Gjatë fundjavës, aktorja u fut në komentet e një postimi, ku një këngëtare deklaronte se nuk do të bashkëpunonte kurrë me Charlie Puth dhe Bella e ndezi përsëri skenën.

“Po, dua të them ai gënjeu gjithë botën për mua dhe nisi një valë të madhe urrejtjeje ndaj meje. Vetëm sepse nuk pranova të flija me të,” shkroi Bella. Thjesht dhe pastër.

Nëse keni nevojë për një rifreskim të dramës, gjithçka nisi në vitin 2017, kur Bella dhe i dashuri i saj asokohe, Tyler Posey, sapo ishin ndarë. Në atë kohë, Charlie Puth e akuzoi Bella-n publikisht për tradhti, diçka që ajo e mohoi kategorikisht. Pra, Charlie, që po dilte me Bella-n, e akuzoi atë se po tradhtonte të dashurin e saj duke dalë me të.

Në një intervistë në “The Jenny McCarthy Show”, Bella sqaroi gjithçka:

“Unë dhe Ty i kishim dhënë fund lidhjes dhe Charlie kishte kohë që më shkruante. E takova dy herë. Shkuam në kinema. Ishte OK si person,” tha ajo.

Sa për ato fotot famëkeqe ku dukeshin sikur Bella dhe Charlie po putheshin – sipas saj, nuk ishte ashtu siç u interpretuan. Madje ia kishte shpjeguar edhe Tyler-it, i cili s’e kishte problem fare.

Por Charlie? Ai nuk e kishte parë datën e lajmit të ndarjes dhe nxitoi të mendonte se Bella dhe Tyler ishin ende bashkë në kohën kur ata dolën bashkë. “Ai nuk më shkroi kurrë personalisht për këtë 'problem', as nuk më pyeti,” shtoi Bella.

Dhe pse Charlie është lumturisht i martuar me shoqen e tij të fëmijërisë, Brooke Sanson, një gjë është e sigurt: kur ia bën për borxh Bella Thorne-it, ajo sigurohet të të bëjë ta mbash mend për një kohë të gjatë.

_{Burimi: Cosmopolitan}