Edhe pse nuk është aktore, Bella Hadid është gjithmonë e pranishme në tapetin e kuq të Festivalit të Filmit në Kanë. Gjatë dhjetë viteve të fundit, supermodelja është shfaqur mbresëlënëse në paraqitjet e saj, pothuajse gjithmonë me flokët karakteristikë të errët të stiluar në topuzë elegantë. E vetmja herë që ajo hoqi dorë nga flokët e errëta ishte në vitin 2019, kur zgjodhi nuancat ‘bronde’ (një përzierje e bjondes dhe kafesë).
Megjithatë, duket se këtë vit vendosi të bënte një ndryshim, pasi u pa në Rivierën Franceze me ngjyrën më bionde të flokëve që ka pasur prej kohësh.
Hadid ndau momente nga udhëtimi i saj në Kanë nëpërmjet Instagram Stories të hënën, më 12 maj, në prag të festivalit - duke treguar pamjen nga dhoma e saj, mëngjesin dhe ekipin e saj të kujdesit për fytyrën, por pa e treguar veten.
Supermodelja u fotografua jashtë hotelit, duke buzëqeshur dhe duke përshëndetur turmën, e veshur me një kostum të bardhë me xhinse dhe korse. Freskia e pamjes së saj reflektohet edhe në flokë: një model i prerë me kujdes, i çrregullt, por elegant, me balluke të ndara anash.
Artikuj të sugjeruar:
