Në shfaqjet e mbrëmjeve vonë (late-night shows), humori pritet të jetë i mprehtë dhe i zgjuar, por ja që vjen Albano Bogdo, ideja “gjeniale” e të cilit duket se ka ngecur në një epokë të errët. Së fundmi, ai u shfaq në ekran me një shfaqje që vuri në dyshim gjendjen e komedisë moderne.
Albano, që harroi koncepte si mirësjellja dhe respekti, vendosi të hidhte fjalë ofenduese dhe seksiste ndaj dy figurave të njohura, Beatrix dhe Alban Ramosaj. Në programin e tij të ri në Vizion Plus, “Albano Show”, ai pyeti: “Ai e di ti kush është Alban Ramosaj?” a thua se ekzistenca jonë në planet varej nga kjo pyetje.
Për Albanon dhe tipa si ai, Alban Ramosaj është një artist që ka lënë gjurmën e tij në muzikën shqiptare dhe aktualisht vazhdon jetën krejtësisht i pavarur nga ekzistenca e Bogdos. Por, komentet nënçmuese të Albanos nuk u ndalën me kaq.
Ai e pa të nevojshme të vijonte me një deklaratë përçmuese për Beatrix. “[Alban Ramosaj] është ai tipi që i q** motrën Donaldi në ‘Big Brother’.” Është shokuese se si arriti Albano të grumbullojë kaq urrejtje, fyerje dhe mizogjini në dy fjali të vetme.
Në epokën moderne, ku gjithëpërfshirja, respekti dhe inteligjenca vlerësohen, komedia e Albanos ndihet arkaike dhe dëshmi e stereotipeve të dëmshme. Me shfaqjen e tij, ai na tregoi jo se çfarë është komedia, por çfarë nuk duhet të jetë. Humori nuk duhet të jetë fyes për të na bërë për të qeshur.
Reagimet e njerëzve të thjeshtë dhe personazheve publikë qenë të menjëhershme, disa prej të cilave i gjeni në vijim:
Albërije Hadërgjonaj
Aulona Musta
Fatma Haxhialiu
Einxhel Shkira
Ronaldo Sharka
Komente në rrjet:
