Në 2017-n, Ardit Gjebrea i emocioni të gjithë teksa u ngjit në skenën e "Këngës Magjike" për të kënduar me të bijën, Anna, “Për ty”. Një vit më parë, në 20-vjetorin e festivalit, kantautori solli në bashkëpunim me Saimir Pirgun baladën e ndjerë “Kur them ajo”, një këngë dedikuar nënës së ndjerë. Këtë vit, njerëzit duan që Gjebrea të sjellë “Dimëroj”.

“Rikthe ‘Dimëroj’ te nata finale z.Gjebrea, na e ke borxh,” shkruan @kasandradragobia, që interesohet për kulturën. Hashtagu #rikthedimëroj lexohet në dhjetëra komente të tjera.

Në vitet ’90, Gjebrea spikati si kantautor modern, i cili arriti të ndërthurte rrymat perëndimore me muzikën autentike shqiptare.

”Dimëroj” e albumit “Projekti Jon” (1997), një nga albumet më të suksesshëm në historinë e muzikës shqiptare, është një nga këngët që dëgjohet ende në 2019-n. “Muzikë dance, iso-polifeni (jugu), çifteli (veriu) = thjesht perfekte,” shkruhet në një koment në YouTube.