Nisur nga statistikat e fundit, duket se zona e Ballkanit nuk bën fare aktivitet fizik dhe Shqipëria qëndron në vend të parë.
Sipas shifrave të publikura nga Eurostat dhe INSTAT, të përpunuara nga Monitor.al, gratë dhe burrat shqiptarë kanë përqindjen më të lartë në Europë përsa i përket mungesës së aktivitetit fizik.
Përkatësisht 82.7% e grave dhe 77.2% e burrave nuk bëjnë asnjë aktivitet fizik gjatë javës.
Për të vlerësuar nivelin e ushtrimeve aerobike gjatë një jave të zakonshme, të anketuarit shqiptarë u pyetën: Në një javë normale, a bëni aktivitete të tilla si ecja, biçikleta, joga, ose gjëra të tjera që shtojnë ritmin e frymëmarrjes dhe rrahjeve të zemrës?
Të dhënat u grumbulluan nga INSTAT për studime të Institutit të Shëndetit Publik.
Referuar qyteteve shqiptare, duket se më dembeli është Durrësi, i ndjekur nga Kukësi dhe Shkodra. Në vend të parë qëndron Tirana, pasuar nga Vlora dhe Elbasani.
