Thuhet se gjithçka ndodh për një arsye dhe se prapa çdo ndodhie fshihen lidhje të ngushta me të shkuarën. Ky mund të jetë rasti  i Khloe Kardashian- it e cila jo më kot u tradhtua nga partneri i saj, Tristan Thompson.

Dikur, kur ish- i i Tristan- it mbeti shtatzënë, Khloe kontribuoi në ndërlikimin e shtatzënisë së ish- it të ish- it, Jordan Craig- it. Sipas kësaj të fundit, përfshirja e Thompson- it në një tjetër marrëdhënie (besohet se bëhet fjalë pikërisht për Khloe- n, nisur nga përllogaritja e periudhës kohore) pati një efekt tejmase negativ në shëndetin e saj.

Thompson nisi të shoqërohej me Khloe- n gushtin e 2016- s, ndërkohë që Craig zbuloi se ishte shtatzënë prillin e të njëjtit vit. Të shihte Thompson- in në krahët e një gruaje tjetër qe tepër zhgënjyese për të.

Sipas disa dokumentave të gjykatës, të siguruara nga “Radar Online”, Craig flet gjerë e gjatë për ndikimin e tradhtisë së partnerit me Khloe- n, gjë që ylli i “Keeping Up With The Kardashians” e ka mohuar gjithmonë.

"Tristan insistoi se do të ndryshonte për familjen tonë dhe provoi disa herë që të riktheheshim bashkë.” ka treguar Jordan. 

Ndonëse ajo e fali, pas disa javësh qarkulluan kudo foto të tij me vajzën në fjalë, gjë që solli stres dhe përkeqësime të shtatzënisë së saj.

Ju kujtojmë se kohë më parë, Tristan e tradhtoi Khloe- n me miken e motrës së saj, Jordyn Woods- in.