Tri vite pas divorcit me ish-partnerin prej 17 vitesh, Gent Prizreni, divorc që u bë publik vetëm dy vite më parë, Jonida Maliqi po përflitet se është në një romancë me aktorin e humorit të “Al Pazar”, Romeo Veshaj.
Thashethemet e para nisën në gusht të një viti më parë, kur Romeo Veshaj dhe Jonida Maliqi shiheshin të postonin foto në ambiente të njëjta.
Zërat vazhduan edhe më shumë kur aktori publikoi këtë foto.
Nëpër komente, disa ndjekës vunë në dukje se “vajza në foto është Jonida Maliqi”. “Sa më pak të zbulosh, aq më shumë do të pyesin njerëzit,” shkruan aktori.
Duke e ditur shumë se ç’do të shkruhej më pas, Jonida dhe Romeo nuk e pohuan, por as e mohuan çfarë po shkruhej për ta nëpër portale. Përkundrazi këngëtarja postoi në InstaStory një video që ngriti sërish dyshime në lidhje me thashethemin që qarkullon prej kohësh në rrethin e artistëve.
Po kështu aktori i “Al Pazar” ndjek në Instagram edhe shoqen e ngushtë të Jonidës.
“Data 16 maj erdhi ! Për gjithë ju që ndodheni jashtë trojeve tona, erdhi momenti të tregojmë sa shqiptar jemi ! Votoni tokën tuaj , votoni nr 14, votoni @Jonida Maliqin,” shkroi ai në Instagram katër ditë më parë,
ndjekur nga një tjetër postim në lidhje me performancën e Jonidës në Eurovision.
Në një intervistë për Revista Who në korrik të 2018-s, e pyetur nëse e sheh veten me dikë në të ardhmen, këngëtarja u përgjigj: “Unë jam idealiste, kam dashur gjithmonë lidhje të shëndetshme, afatgjata. Jam paksa e frikësuar sepse nuk dua të zhgënjehem, por kjo është njerëzore. Nuk e mendoj martesën, por kurrë mos thuaj kurrë. Nuk mund të them që nuk jam pro një shoku jete, një personi që ta kem pranë në të ardhmen time, por deri tani është ende herët për të qenë e hapur për këtë temë."
Sot, kanë kaluar tri vite nga divorci i Jonida Maliqit dhe ish-partnerit prej 17 vitesh, ndonëse lajmi u bë publik vetëm dy vite më parë pasi dyshja mbante një profil të ulët publik. Romanca e saj e re mbetet ende në stadin e thashethemit, për aq kohë sa asnjë nuk ka folur hapur publikisht. Siç shkruan edhe Romeo, “sa më pak të tregosh, aq më shumë do të flasin njerëzit”.
