Për kopertinën e janarit, bordi editorial i Harper’s Bazaar Vietnam zgjodhi dy nga pjesëmarrëset e Miss Globe. Ela Mino nga Kanadaja dhe Barbara Vitorelli nga Brazili pozuan përbri njëra-tjetrës me fustane të pudërta e romantike. Një prej këtyre fustaneve është i dizajneres shqiptare Frederika Arti Martesor.
Fustani i tyltë e me fruda u realizua nga Frederika Arti Martesor si pjesë e koleksionit të veshjeve për “Valsin e Lumturisë,” të Shkëlzen Dolit. Krijimi ishte aq i bukur, sa stilisti Brandon Nicholas e zgjodhi për të hijeshuar kopertinën e Harper’s Bazaar Vietnam.
Meritat për bashkëpunimin mes Frederika Arti Martesor dhe Brandon Nicholas i takojnë stilistit Niko Komani, i cili shërbeu si ura lidhëse mes dyshes.
Edhe fustani tjetwr wshtw po ashtu i krijuar nga dizajneri shqiptar nga Kosova, Festim Isufi.
Kjo s’është hera e parë që Nicholas përdor punët e dizajnerëve shqiptarë për të veshur klientët e tij. Vjet në dhjetor, ish modelja e Victoria’s Secret shkëlqeu me një fustan të Lena Berishës, përzgjedhur pikërisht nga Nicholas.
