CEO i Amazon, Jeff Bezos – njeriu më i pasur në botë – do të divorcohet nga gruaja e tij prej 25 vitesh, Mackenzie. Bezos vlen më shumë se $137 miliardë dhe edhe nëse pasuria nuk ndahet në mënyrë të barabartë mes dyshes, mund të zërë vendin si divorci më i shtrenjtë në histori.
Sidoqoftë, deri kur ndarja të finalizohet, tani për tani, këto janë pesë divorcet më të shtrenjtë.
Dmitry Rybolovlev dhe Elena Rybolovleva, $4.5 miliardë
Pas një beteje ligjore gjashtë vjetore, miliarderi rus Dmitry Rybolovlev u urdhërua nga gjykatat zvicerane t’i jepte ish bashkëshortes $4.5 miliardë.
Jocelyn Wildenstein dhe Alec Wildenstein, $2.5 miliardë
Kur Jocelyn Wildenstein, e njohur në New York për operacionet plastike, u divorcua nga Alec Wildenstein, tregtar veprash arti, përfitoi plot $2.5 miliard dollarë nga ndarja. Sipas tabloidëve amerikanë, ajo gjithashtu u pagua $100 milionë për 13 vitet në vijim.
Bernie dhe Slavica Ecclestone, $1-$1.2 miliardë
Divorci i vitit 2009 mes Bernie Ecclestone, drejtues i një kompanie makinash garash në Britani dhe gruas së tij, modeles sllave Slavica, konsiderohej si një prej më të shtrenjtëve në histori. Është ende e paqartë sa përfitoi ish-bashkëshortja e tij, por përflitet për një shifër mes $1 dhe $1.2 miliardë.
Steve dhe Elaine Wynn, $1 miliardë
Steve Wynn, i angazhuar në biznesin e kazinove, akuzuar disa herë për ngacmim seksual, u martua me Elaine-n, dy herë, nga 1963 deri më 1986 dhe nga 1991 deri më 2010. Hollësirat e divorcit u mbajtën të fshehta, por përflitet për $1 miliardë.
Harold Hamm dhe Sue Ann Arnall, $975 milion
Harold Hamm, manjat i karburanteve, i dha ish bashkëshortes së tij, Sue Ann Arnall $975 milionë pas ndarjes.
