Drejtori ekzekutiv i Amazon, Jeff Bezos deklaroi ditën e mërkurë ndarjen nga bashkëshortja e tij prej 25 vitesh, MacKenzie. Njeriu më i pasur i botës, njoftoi përmes një statusi në Twitter lajmin e divorcit.

“Ashtu siç familjet dhe miqtë tanë e dinë, pas një periudhe të gjatë, vendosëm të divorcohemi dhe të vazhdojmë jetën tonë si shokë. Edhe nëse do ta dinim që pas 25 vitesh do ndaheshim, sërish do ta kishim jetuar bashkë këtë.”- thuhet në deklaratën e bërë.

Gruaja e Bezos ishte një nga punonjëset e para të Amazon, por bashkë u njohën që para se ai ta themelonte Amazon. Çifti, pasuria e të cilit arrin deri në 137 miliardë dollarë, janë prindër të 4 fëmijëve.