Almeda Abazi publikoi sot këngën e saj të parë. Ish Miss-i, eksperimenton për herë të parë në muzikë me këngën e quajtur “Alabama”, bashkëpunim me Dj e famshëm turk, Burak Yeter.

Almedën, jemi mësuar ta shohim si modele, aktore dhe së fundmi si moderatore në “Dancing With The Stars”, por kjo është hera e parë që e dëgjojmë të këndojë.

Kënga pop, e kënduar në anglisht na prezantoi me një tjetër version të show girl-it. E veshur me një fustan të zi dhe make- up shumë natyral, sensualiteti i saj ishte në harmoni perfekte me tekstin dhe muzikën, e cila mund të të fiksohej që herën e parë që e dëgjoje.

Zërat që thoshin se Almeda i ka hyrë seriozisht muzikës qarkulluan që në maj të këtij viti, por modelja ka punuar në fshehtësi gjatë gjithë kësaj kohe dhe vetëm sot prezantoi të plotë projektin e ri.