Kompania e Facebook-ut ka bërë të ditur se gati 50 milionë njerëz kanë qenë “viktima” të një sulmi kundrejt rrjetit social, ku njerëz të paidentifikuar cenuan privatësinë më 25 shtator.
Sipas The Guardian, hacker-at shfrytëzuan një veçori (View As), e cila lejon që përdoruesit të shohin faqen e tyre si dikush tjetër. Ata më pas e përdorën atë për të marrë llogaritë.
Facebook ka bërë të ditur se mbi 90 milionë njerëz u detyruan të dilnin nga llogaritë e tyre, ndërkohë që çështja i ka kaluar policisë.
“Gabimi është rregulluar”, bëri me dije kreu i sigurisë, Guy Rosen. “Sapo kemi filluar hetimet tona, por duhet ende të përcaktojmë nëse këto llogari janë keqpërdorur dhe çfarë informacioni është marrë", tha ai, duke shtuar se “privatësia e njerëzve është tepër e rëndësishme dhe na vjen keq që kjo ndodhi”.
Për momentin, ju këshillojmë të ndryshoni fjalëkalimin dhe të rishikoni opsionet e sigurisë tek Settings.
Kjo histori është ende e pazbardhur dhe artikulli mbetet në përditësim*
