Bazuar në të dhënat e Qendrës Kombëtare të Biznesit, deri në maj të vitit 2018, në Shqipëri numëroheshin 3916 pika bastesh ose e thënë ndryshe 1 loto për 730 banorë.
Në vendin që nisën bastet për herë të parë, Angli, ekzistojnë 8500 pika të tilla, që do të thotë 1 loto për 6500 banorë. E njëjta gjë edhe me Italinë, 1 për 4500 banorë.
Nga ana tjetër, numri i pikave të tilla është sërish shumë i lartë nëse e krahasojmë me vendet e tjera të rajonit (Serbi: 1 për 3800 banorë; Bosnjë-Hercegovina: 1 për 1750 banorë etj).
3 vite më parë, Parlamenti vendosi të miratonte një ligj për të kufizuar përhapjen e pikave të basteve dhe vendosjen e tyre në distancë me njëra-tjetrën, larg shkollave dhe objekteve fetare, por më pas u shty hyrja në fuqi për në datën 1 janar të vitit 2019.
Burimi: Top Channel
