Pak ditë më parë, reperi shqiptar me famë botërore, Gashi, deklaroi përmes një postimi në Instagram se ishte duke kërkuar një reper shqiptar për ta bërë pjesë të albumit të ri. Kështu që, u kërkoi ndjekësve që të bënin tag reperin me të cilin duhet të bashkëpunonte.

Nisur nga komentet, realizuam një sondazh në Anabel dhe rezulton se bashkëpunimi i radhës i Gashit do të jenë një këngë me Ledri Vulën, që ka mbledhur 36% të votave, goxha diferencë krahasuar me artistët e tjerë.

Në fakt, një votim i tillë nuk është aspak i çuditshëm. Sipas nesh, ekzistojnë 2 mundësi: Ose çunat e kanë gati bashkëpunimin dhe po përdorin këtë lloj metode si formë marketingu (Nëse është kështu, bravo ia dolët!) ose Gashi e do kaq shumë një projekt me Ledrin, por s’po di si t’ia thotë.

Hmm nisur nga komentet lart e poshtë nëpër Instagram, duken shumë miq me njëri-tjetrin. Ja shihini vetë.