E ftuar në “Top Arena” mbrëmjen e djeshme ishte Bora Zemani. Moderatorja e cila prej vitesh ëshë pjesë e emisioneve të Digitalb, foli për futbollin dhe Botërorin, por jo vetëm.

Ndër të tjera ajo tregoi se aktualisht prioritet është Arbori, djali i saj nga lidhja me Vin Velin, e cila përfundoi kohë më parë.

Përsa i përket projekteve në vazhdim, ndonëse nuk tha asgjë të zyrtarizuar, Bora tha se do të vazhdojë të merret me futboll.

“Nuk do të drejtoj një emision me përmbajtje politike, është e sigurtë.”

Përgjigja e saj duket se konfirmoi zërat që thonë se Bora është larguar nga Digitalb-i pas disa konflikteve që ka patur së fundmi me drejtuesit.

Fakti që nuk përmendi një rikthim sezonin e ardhshëm në Digitalb, tregon se me gjasa do ta shohim tek prezanton diku tjetër një program futbolli.