Siç është bërë e ditur, 4 nga 12 djemtë e vegjël u nxorrën nga shpella Tham Luang në provincën e Chiang Rai-t në Tajlandë, gjendja e të cilëve është jashtë rrezikut sipas ekzaminimeve mjekësore.

Sipas raportimeve të CNN, gjithë ekipi i shpëtimit po lufton kundër dy faktorëve kryesorë: kohës së limituar dhe gjendjes atmosferike. Natën e djeshme u pezullua aksioni për të lejuar mbushjen e rezervuarëve të oksigjenit.

Nga ana tjetër, gjendja e rënduar e motit dhe shiu i paparashikuar ka vështirësuar përpjekjet për të hyrë në shpellë.

“Kemi dy pengesa, ujin dhe kohën. Ne duhet të bëjmë gjithçka që mundemi, edhe pse është jashtëzakonisht e vështirë që të luftojmë kundër natyrës”, tha një prej ekspertëve.

Shënim: Ky artikull mbetet në përditësim.