Ditën e djeshme, Stanaj konfirmoi se do të ishte i pranishëm në koncertin “Sunny Hill Festival” që do të mbahet në 10, 11 dhe 12 gusht me organizator kryesor babain e Dua Lipës, Dukagjin Lipa.
Tjetër emër që u konfirmua tashmë është reperi Action Bronson, i cili përmes një postimi në Instagram lajmëroi se do të ishte i pranishëm më 10, 11 dhe 12 gusht.
Action Bronson njihet si reperi i koncerteve të çmendura, i fiksuar gjithashtu pas kuzhinës, për të cilën është vënë në drejtim të emisionit “F*ck, That’s Delicious”, ku tregon aventurat e tij në eksplorimin e botës së kulinarisë, të kombinuar me pasionin për muzikën.
Emri i vërtetë i tij është Arian Asllani; babai është emigrant shqiptar, ndërsa nëna një njujorkeze hebreje. Ariani ka kënduar në krah të Kendrick Lamar dhe J.Cole në koncertet e Eminem-it në Australi dhe Zelandën e re.
Të tjerë që do të performojnë janë: producenti, tekstshkruesi dhe DJ i njohur britanik, S.G. Lewis,
18-vjeçari nga Londra i apasionuar pas muzikës RnB, Col3trane
dhe ylli i “Silence”, 20-vjeçarja Grace Carter.
Sigurisht që “Sunny Hill Festival” do të ngjisë në skenë edhe emra të njohur të muzikës shqiptare. Dafina Zeqiri, Ledri Vula, Gjiko, Lumi B, grupi “Asgjë Sikur Dielli”, Genc Salihu, Shpat Deda, Dren Abazi, reperi Kidda etj, do të jenë disa nga emrat që do të ndezin Prishtinën.
