Ndonëse sytë e të gjithëve janë tek princ Harry dhe princesha e tij, është e pamundur të kalohet pa u vënë re prezenca e Kate Middleton-it. Dukesha e Cambridge ka mbërritur në kishëzën St. George në kështjellën Windsor e veshur me një fustan të dizenjuar nga Alexander McQueen.
Fustanin në ngjyrë të verdhë të zbehtë, Kate e kishte kombinuar me një kapele nga Philip Treacy. Kjo ishte dalja e parë e dukeshës që pas lindjes së vogëlushit Louis në 23 prill.
Ajo çfarë u diskutua nga pamja e saj ishte fakti që Kate e kishte veshur edhe më parë fustanin me të cilin u shfaq në eventin e vitit.
Dukesha ka veshur po të njëjtin fustan ditën kur pagëzoi vajzën e saj Charlotte dhe gjithashtu në festën e ditëlindjes së mbretëreshë Elizabeth II.
Gjithsesi, ajo që vlen për tu përmendur më shumë se fustani është trupi i saj. Ju kujtojmë se vetëm një muaj më parë u bë nënë për herë të 3-të.
Përsa i përket stilit, Kate i qëndroi besnike elegancës dhe pamjes së sofistikuar që e ka karakterizuar gjithnjë.
Burimi: Harpers Bazaar
