Buta, reperi nga Kosova emri i vërtetë i të cilit është Betim Januzi, është liruar nga burgu pas vendimit të gjykatës për ndërprerjen e masës së paraburgimit.
Lajmi u konfirmua për Indeksonline nga avokati i reperit:
“Butës i është ndërprerë masa e paraburgimit.”
Gjykata mori vendimin që ai të lirohej nga paraburgimi, pas vlerësimit të argumenteve mbrojtëse dhe kërkesës së Butës.
Reperi kërkoi lirimin e tij, duke argumentuar se është i vetmi burrë në familje dhe duhet të kujdeset për nënën, gruan dhe vajzën.
“Unë jam i vetmi mashkull në familje dhe përkujdesëm për nënën 63-vjeçare, vajzën 1-vjeçare si dhe gruan, të cilat pa mua nuk munden t’i plotësojnë nevojat bazike. Doja që kjo të jetë e qartë dhe t’i keni parasysh këto rrethana”, tha ai.
Buta u arrestua më 11 shtator dhe iu vendos masa e paraburgimit prej një muaji, nën akuzën shitblerje narkotikësh dhe armëmbajtje pa leje. Ai doli ditën e sotme, 1 tetor, përpara Gjykatës Themelore të Ferizajt.
View this post on Instagram
