Pa dyshim që lajmi rozë më sensacional për vitin që lamë pas ishtë bërja publike e lidhjes së djalit të ish-kryeministrit Berisha, Shkëlzen Berisha dhe Armina Mevlanit, moderatore televizive. Meqënëse lajmi ka qarkulluar si thashethem për më shumë se dy vite, të gjithë ishin kuriozë për të mësuar se si do të finalizohej ai. Dhe në mes të vitit të kaluar filloi gradualisht dekonspirimi, në fillim me foto e më pas me intervistat e dhëna. Më tej kurioziteti i radhës, meqënëse Shkëlzeni ishte i divorcuar kur krijoi një lidhje të re, ndërkohë që Armina ishte beqare, të gjithë prisnin se si do të reagonte familja e Shkëlzenit për lidhjen e re, a do të pranonte ish-kryeministri Berisha menjëherë zgjedhjen e djalit të tij apo do t'i duhej më shumë kohë?
Një nga rastet ku kjo pyetje mund të merrte përgjigje, ishte nata gala e organizuar nga Presidenti Nishani me qëllim bamirësinë. Aty u paraqitën me radhë Shkëlzeni dhe Armina, zoti Berisha dhe bashkëshortja e tij, zonja Liri Berisha, si dhe vajza e tij Argita dhe bashkëshorti Jamarbër Malltezi. Meqënëse atje nuk u lejuan gazetarët dhe fotoreporterët, ne nuk mundëm të mësonim nëse Shkëlzeni me partneren e tij ka ndenjur me pjesën tjetër të familjes apo veç saj.
Por ajo që dimë me siguri, është eventi i fundit, pak ditë para ndërrimit të viteve. Aurela Hoxha do të promovonte atelinë e saj të re me fustane nusesh dhe, siç ndodh në këto raste, kishte shumë të ftuar Vip. mes tyre ishte dhe vajza e madhe e Argita Malltezit, Dasara, një personazh shumë mediatik si dhe Armina Mevlani.
Por ajo që çuditi të gjithë të ftuarit, ishte fakti se ato të dyja nuk u përshëndetën dhe nuk e përfillën njëra-tjetrën. Mos vallë Dasara, një vajzë shumë rebele në natyrë, nuk e pranon ende faktin se daja tashmë ka një partnere të re?
Shënim: Lajmi i mësipërm është marrë nga suplementet e gazetave të ditës së shtunë, ndaj Anabel.al nuk mban përgjegjësi për vërtetësinë e tij!
Burimi: Suplementi Panorama Plus
#showbiz
