Aktorja Anna Lika ka rrëfyer për herë të parë problemin shëndetësor, me të cilin u përball pas humbjes së nënës së saj. E ftuar në podcast-in “Mam” nga Orinda Huta, ajo tha se ka përjetuar kriza epilepsie dhe si pasojë i është dashur të ndërpresë gjidhënien.
“Pas humbjes së mamit, më diagnostikohet një problem neurologjik, një formë epilepsie. Kur po bëja ekon e parë të vajzës, më kapi një krizë epilepsie e plotë. Kisha frikë të tregoja se isha e sëmurë. E ndërpreva gjidhënien, jo sepse nuk doja vajzën time, por sepse nuk doja që ajo të kishte një mama të paaftë,” rrëfeu ajo.
Po ashtu, ajo theksoi se nuk donte të shqetësonte askënd për shkak të gjendjes së saj shëndetësore, ndaj dhe i bëri partnerit të saj, Bjordit, këtë pyetje:
“Unë Bjordin e kam pyetur nëse donte të rrinte më mua. Nuk doja t’i bëhesha barrë dikujt.”
View this post on Instagram
Anna Lika humbi nënën, Ilda Gjoni, në dhjetor të vitit 2023. Që nga ajo kohë, ajo ka folur shpesh për dhimbjen e madhe që kjo tragjedi në jetën e saj la pas.
