Aktori i ndjerë Bob Saget nuk e parashikoi kurrë që një goditje në kokë mund të ishte arsyeja pse ai nuk u zgjua kurrë nga gjumi, muajin e kaluar. Siç mund ta keni lexuar, ai ndërroi jetë më 9 janar dhe ekspertët bënë me dije se shkak ishte një goditje e kokës.
Ndonëse ata nuk janë të sigurt se çfarë ka ndodhur në orët para vdekjes së parakohshme të 65-vjeçarit, kanë arritur në përfundimin se ka goditur kokën dhe ka dëmtuar kafkën. Ai ra të flinte, e zuri gjumi dhe më pas ndërroi jetë.
Raporti thotë se aktori pati gjakderdhje dhe konfuzione në tru dhe se vdekja e tij ishte “rezultat i traumës së trurit”. Në të vërtetë, edhe një dhimbje koke e lehtë pas një përplasjeje ose rënie mund të shkaktojë hematomë (mpiksje e gjakut) potencialisht fatale për trurin.
Është e lehtë të anashkalosh shenjat e mundshme vdekjeprurëse, tha për The Post Dr. Neha Dangayach, një ekspert i neuroemergjencave. “Shpesh, të rriturit që kanë dhimbje koke, mund të mendojnë se është një dhimbje koke e thjeshtë, ose fillojnë të vetëdiagnostikohen.”
Por ky mund të jetë një skenar i rrezikshëm për ata që janë të prirur ndaj dhimbjeve të kokës, pavarësisht nëse janë diagnostikuar me migrenë, dhimbje të tjera koke ose besojnë se është thjesht një hangover.
Hemorragjia e trurit mund të shfaqet në mënyra të ndryshme. Ata që pësojnë trauma të rënda të kokës, të themi në një aksident, do të kenë shenja brenda disa orëve, për shembull dhimbje koke e fortë, paralizë ose koma.
Në rastet e tjera, edhe një traumë në dukje e parëndësishme, një goditje që dikush mund ta harrojë që ka ndodhur, mund të çojë në një lloj hematome kronike që ndërtohet ngadalë me kalimin e kohës, me simptoma shumë më delikate.
Faktorët që rrisin rrezikun përfshijnë probleme shëndetësore të tilla si presioni i lartë i gjakut, ata që marrin hollues gjaku.
Simptomat e gjakderdhjes në tru mund të jenë akute - të përziera, të vjella, kriza. Por shpesh mund të jenë ndryshe: shenja të dobësisë së muskujve, shikim të dëmtuar ose një lloj dhimbje koke "e re" që shfaqet me kalimin e kohës dhe nuk duket se të largohet as me mjekim.
Simptoma të rëndësishme:
- dobësi e papritur, ndjesi shpimi gjilpërash ose paralizë në fytyrë, krah ose këmbë, veçanërisht nëse ndodh vetëm në njërën anë të trupit
- fillim i papritur dhe i fortë i dhimbjes së kokës
- probleme me gëlltitjen
- probleme me shikimin në njërin sy ose në të dy sytë
- humbje e ekuilibrit, koordinimit, marramendje
- probleme me aftësitë gjuhësore (lexim, shkrim, të folur, të kuptuar)
- përgjumje, humbje e vetëdijes
- konfuzion, delir
Faktorë që ulin rrezikun:
- të mos pish duhan
- të trajtosh sëmundjet e zemrës
- të trajtosh presionin e lartë të gjakut
- të mban në kontroll diabetin
- të kesh një stil jetese të shëndetshëm
- Sipas neurologëve, me 4 hapa fare të thjeshtë, mund të jeni më të lumtur se dje
- Studimi i ri: Pse fëmijët duhet të luajnë me kukulla, pavarësisht gjinisë
- Nga stresi, te meditimet dhe frymëzimi: 10+ aplikacionet më të mira për të mbajtur trurin aktiv
- 15 shenja të fshehta që tregojnë se jeni të stresuar – edhe pse nuk e dini
- Ç’është sëmundja e Parkinsonit? Shenjat e hershme të saj
Burime ndihmëse: Healthline, WebMD, The Post
