Pesë vite më parë, Afërdita Dreshaj takoi hokeistin çek, Jakub Kindl. Koha do të rridhte shpejt dhe më 29 qershor të 2018- ës ata do ta gjenin veten të martuar.
Ishte Dreshaj ajo që postoi një foto përkrah të shoqit në stadium ku shkruante:
“Si sot, pesë vite më parë takova dashurinë e jetës dhe kjo është fotografia jonë e parë bashkë. Sot është burri im!”
Po kështu në një tjetër postim, këngëtarja tregoi se si u zgjua këtë mëngjes, me një buqetë trëndafilash mbi shtrat!
Ju kujtojmë se në një intervistë për Revista Who, Afërdita ka treguar edhe si u njoh me Kindl- in.
“Jemi njohur në një restorant sushi… Unë isha vetëm për tre ditë në Michigan dhe kisha dalë atë mbrëmje për një darkë, sepse ime motër Jehona, kishte ditëlindjen. Përballë nesh ishte një tavolinë me dy djem, të cilët na qerasën, ne i falenderuam, u përshëndetëm me ta dhe vazhduam.Pas asaj mbrëmjeje Kubi kishte bërë gjithçka për të gjetur numrin tim të telefonit. I ishte lutur pronarit të restorantit, që ne e kishim mik, por ai nuk ia kishte dhënë. I kishte treguar vetëm emrin tim dhe Jakub, kishte nisur kërkimet dhe mesazhet në rrjetet sociale. Më kishte shkruar në Facebook, por ajo adresë nuk ishte e vërtetë. Pastaj kish nisur të më ndiqte në Twitter dhe të më bënte retweet, sepse nuk më dërgonte dot mesazh aty, pa e ndjekur dhe unë. Disa ditë më vonë unë isha në aeroport për të shkuar nga Chicago në Miami për punë dhe vetëm aty shikoj një adresë të verifikuar që më bënte ‘retweet’ për të më fituar vëmendjen. Në atë moment fillova dhe unë ta ndiqja në Twitter e Jakub më dërgoi mesazh dhe aty filloi çdo gjë.”, u shpreh ajo.
