Mbrëmë në “Festivalin e Këngës”, Adelina Ismaili ndezi skenën me performancën e saj për këngën “Zemrën nuk ta fal”.
 
Në “Natën e Nostalgjisë”, konkurrentët e edicionit të 62-të të “Festivalit të Këngës” performuan këngë të vjetra të festivalit, së bashku me këngëtarët e njohur të skenës shqiptare. Një ndër të ftuarat speciale të mbrëmjes ishte pikërisht Adelina, e cila performoi “Zemrën nuk ta fal”.

Adelina e ka kënduar “Zemrën nuk ta fal” në edicionin e 35-të të “Festivalit të Këngës”, me një performancë që ende mbahet mend.

Komentuesit e vlerësuan zgjedhjen e Festivalit për të rikthyer në skenë Adelinën. “Ikona e muzikës shqiptare, thjesht divë”; “Artistja që ka revolucionarizuar muzikën shqiptare”; “Zemra peshë sa herë e dëgjon”; “Është ende nr. 1”; “Këngë që nuk vdes kurrë” ishin disa nga komentet e shkruara në YouTube.

Këngëtarja falenderoi publikun dhe u shpreh: “Sot po i thoja një personi  se gjithnjë Shqipëria më ka dashur më shumë se Kosova, sepse nuk më keni kryqëzuar asnjëherë", duke u përcjellë me shumë duartrokitje.
 
Ndërkohë, të rikujtojmë se sot është nata finale e “Festivalit të Këngës”, ku do të shpallet edhe kënga fituese, e cila do të na përfaqësojë në Eurovision.

Artikuj të sugjeruar: